Fleiri enn 700 børn í 2., 3. og 4. flokki í Tórshavnar kommunu hava verið til skúlakapping í "Flogbørnum" seinastu tríggjar vikurnar.

Eisini næmingarnir í Hoyvíkar skúla hava luttikið í "Flogbørnum", og halda vit, at hetta hevur hepnast sera væl. Bæði næmingar og lærarar hava fingið nógv burturúr. 

Stuttligt er at hoyra næmingarnar tosa um liðini frá hinum skúlunum, og hvussu teir ymsu skúlarnir hava skipað spælið og liðsamansetingina. 

Tað eydnaðist okkara næmingum í Hoyvíkar skúla at fáa eitt 1. pláss í 2. flokki, 3. pláss í 3. flokki og 3. pláss í 4. flokki. Best av øllum var, at næmingar og lærarar hugnaðu sær óført. 

Hoyvíkar skúli takkar Flogbóltsambandinum fyri góða tiltakið.