PISA 2018 í Føroyum verður hildin í vikunum 15 og 16, t.e. í døgunum frá 9. – 20. apríl 2018.

PISA er altjóða kanning av 15 – 16 ára gomlum ungum. Her hjá okkum eru hesi sett at vera tey, sum ganga í 9. flokki.

Kannaðir verða førleikar í lesing, støddfrøði og náttúrulærugreinum.

Hesaferð er kanningin við serligum atliti at lesing.

Próvstovan stendur vegna Mentamálaráðið fyri kanningini.

Næmingarnir í 9. flokki í Hoyvíkar skúla skulu til PISA 2018 týsdagin 17. apríl 2018 kl. 09:00.

PISA 2018 verður í høllini á Stórheyggi.