Tíðindi
Lesiátak og lesiløta í Hoyvíkar skúla
Í sambandi við at tað í ár verður varpað ljós á málmenning, hava vit í Hoyvíkar skúla skipað fyri lesiátaki í 1. og 2. flokki. Skúlaleiðslan hevur m.a. lisið søgu fyri næmingunum í 1. og 2. flokki í fyrru hálvu av skúlaárinum. Stuttligt er at síggja, hvussu væl næmingunum dáma, tá lisið verður upp fyri teimum. Tey sita sera hugagóð og lurta eftir.
Eftir ætlan verður skipað fyri líknandi lesiátaki í seinnu hálvu av skúlaárinum.
Somuleiðis hevur verið skipað fyri lesiløtu í tíðarskeiðnum frá 12. - 23. november 2018. Hetta er eitt afturvendandi lesiátak, ið verður skipað á hvørjum ári.
Næmingarnir í øllum flokkum hava sitið spjaddir um allan skúlan við bók í hond, har lisið hevur verið hvønn dag eitt ávíst tíðarbil á degnum.
Lesiløturnar hava verið skipaðar í sambandi við norðurlendsku bókmentavikuna.