Tíðindi
Skapa títt egna jólalandslag - Handaverk og list 5. flokkur
5. flokkur hevur í myndlist arbeitt við at skapa sítt egna jólalandslag.
Næmingarnir hava framleitt skitsur út frá kenslum og hugflogi, hvussu teir ímynda sær eitt jólaligt landslag. Út frá skitsunum hava teir skapt eitt landslag við denti á standmyndir við grundleggjandi rúmligum formmáli, har eisini einfaldur arkitekturur og design hevur verið endamálið. Jólaløg og sangur hevur eisini ávirkað næmingarnar, tí tá skitsan varð gjørd, varð lurtið koyrt frá.
Næmingarnir eru slopnir at royna seg við ymsum tilfari, teknikum og amboðum. Serliga hildu næmingarnir tað vera stuttligt at royna Silk Clay, ið er eitt øðrvísi evni at arbeiða við. Tað skúmkenda formingarevni er framleitt júst til at evna figurar. Silk Clay kann rullast, evnast og setast saman í smærri pettir til figurar, ið einans hugflogið setur mark fyri.
Alt tilfarið, sum næmingarnir hava brúkt, er træplátur, flamingo, máling, Silk Clay, fílatráður, træpinnar, lím v.m.
Foreldur og systkin eru vælkomin í skúlan at hyggja eftir framsýningini.