Tíðindi
Nú byrjar 5. flokkur aftur í skúla
Frá mánadegnum 11. mai 2020 koma enn fleiri næmingar aftur í skúla.
Hesuferð eru tað næmingarnir í 5. flokki, ið byrja aftur.
Næmingarnir í 5. flokki møta eisini í tíðarbilinum frá kl. 07:50 - 08:20 og brúka høvuðsinngongdina í skúlagarðinum.
Næmingarnir verða býttir í bólkar, og undirvísingin er skipað frá kl. 08:00 - 12:00.
5. flokkur heldur til í hesum hølum:
Ein bólkur heldur til í flokshølinum hjá 8.a, ein bólkur heldur til í flokshølinum hjá 8.b, og ein bólkur heldur til í lívfrøðistovuni.
Lærararnir í árgangstoyminum leggja undirvísingina til rættis, og dentur verður lagdur á allar lærugreinar. Ítróttur og handaverk/list verða tó flættaðar inn í hinar lærugreinarnar.
Allir næmingar skulu møta. Í teimum førum, har serligar umstøður gera seg galdandi hjá næmingunum ella teimum avvarðandi, skal skúlin hava fráboðan frá foreldrunum.
Vit gleða okkum at síggja 5. flokk aftur í skúla.