At fletta er ein partur av føroysku mentanini, og tí fellur tað okkum natúrligt í Hoyvíkar skúla at fletta saman við næmingunum, har teir fáa møguleika fyri at vera við og hjálpa til.

Mikudagin 3. november var settur av til endamálið, ið er partur av undirvísingini í náttúru/tøkni í 4., 5. og 6. flokki.

Jens á Skipagøtu fletti, og dugdi hann so sera væl at fáa næmingarnar við. Onkur hjálptu til við at skjóta, onkur av svæva, og nógvir næmingar vóru óførir at tumma. Eisini hjálptu teir við at taka vombina og partar av innvølinum úr krovinum.

Greitt varð frá um blóð, fótamør, tálg, vembur, bløðru, mørin - hjarta, lungu og nýru - og mangt annað.

Tá liðugt var at fletta, vórðu krovnini hongd upp.

Næmingarnir vóru sera ágrýtnir og hugagóðir og vildu fegnir taka lut í flettingini.

Myndirnar tala fyri seg http://hoy.fo/294/albumcollections_albums/109