Í tíðarskeiðnum frá páskum til summarferiuna hava flest allir lærarar í Hoyvíkar skúla verið á fyrstahjálparskeið.  

Tað eru nøkur ár síðani, at allir lærararnir í skúlanum vóru á skeið, so nú var tíðin komin at endurnýggja vitanina innan fyrstahjálp.  

Skeiðið kom í lag við játtan frá Undirvísingarstýrinum, og var tað skeiðshaldari frá Reyðakrossi, sum stóð fyri sjálvari undirvísingini.  

Lærararnir vóru sera nøgdir við dygdargóðu undirvísingina, sum var eitt 12 tímar víðkað fyrstahjálparskeið.