Summarfrítíðin er liðug, og vit eru øll byrjað aftur eftir eina góða summarfrítíð.

2. – 9. flokkur møttu klokkan 10:00 saman við sínum floksfeløgum og lærarum.

Áðrenn tey fóru heim aftur, møttust vit øll til kunning og sang í Pyramiduhøllini. 

Í dag høvdu eisini 37 næmingar í 1. flokki sín fyrsta skúladag í Hoyvíkar skúla. 
Dagurin gekk avbera væl, og stuttligt er at síggja, hvussu spent og eldhugað tey eru til nýggju avbjóðingarnar.

Vit vilja við hesum fittu myndunum bjóða næmingunum og foreldrunum vælkomin í Hoyvíkar skúla.