Fyrrapartin í dag hevði Hoyvíkar skúli sín árliga rennidag. Byrjað varð við felagsupphiting í skúlagarðinum, síðani fóru 1. - 3. flokkur oman á Tórsbreyt at renna, og 4. - 9. flokkur høvdu eina rutu í Hoyvíkini at renna eftir.

Sigast má, at veðurgudarnir vístu seg frá síni bestu síðu ídag, og tað gjørdi tað ikki verri fyri hugin hjá næmingunum at renna. Tað er vist, at vit eiga nakrar raskar og hugagóðar næmingar í Hoyvíkar skúla.

Eftir loknan rennidag fingu næmingarnir okkurt gott til góman við sær í vikuskiftið. Við hesum myndunum fara vit at takka fyri ein væl eydnaðan rennidag og ynskja tykkum eitt gott vikuskifti.

Síggj myndirnar í myndasavninum.