Tíðindi

6. flokkur á floti við Westward Ho

06/09-2021

Tað er vorðið fastur táttur, at 6. flokkarnir í kommununi sleppa ein fiskitúr við sluppuni Westward Ho. Eins og undanfarin ár er tilboðið í ár skipað sum ein fiskikapping, sum samstundis gevur lærarum tilfar til lærugreinirnar Heimkunnleiki og Náttúra & tøkni.
 
Mikudagin, 1. septembur var 6. flokkur í Hoyvíkar skúla á floti við Westward Ho. Veðrið var av tí allarfagrasta henda dagin, men vit kunnu ikki siga tað sama um fiskiskapin. Flokkurin fekk 5 fiskar. Hóast fiskiskapurin ikki var nakað at reypa av, so var lagið og ágrýtni á næmingunum gott, og tey høvdu ein góðan og læruríkan túr á Nólsoyarfirði, og tað er tað týdingarmesta. Leggjast skal afturat, at tey fingu tann størsta fiskin, sum higartil er fiskaður í fiskikappingini í ár. Her eru nakrar myndir frá túrinum.

26.03.2024
Vit lýsa eftir avloysara fyri lærara í farloyvi
22.03.2024
Góða páskafrítíð og gleðiligar páskir
22.03.2024
Vikan, ið fór
21.03.2024
Næmingar í 3. og 5. flokkunum luttikið í talv-kapping
08.03.2024
Í komandi viku leggja vit vanligu tímatalvuna til viks
06.03.2024
4. flokkarnir til skúlaleikir