Tíðindi

Skúlagongdin og korona-tilmæli við ársbyrjan

04/01-2022

Skúlagongdin byrjar aftur mikudagin 5. januar 2022 kl. 08:00. Gott verður at síggja tykkum øll aftur.

Við ársbyrjan verður skúladagurin framvegis eitt sindur ávirkaður av korona-støðuni og nógvu smittutilburðunum, ið eru staðfestir seinastu vikurnar.

Allir næmingar møta til vanlilga tíð, men verða bidnir um at nýta nevndu inngongdir:
Næmingar í 1. og 2. flokki møta sum vanligt í "Lítla skúla".
Næmingar í 3. flokki, 5. flokki og Serskúlatilboðnum skulu nýta inngongdina á vestara bygningi við kirkjuna.
Næmingar í 4. flokki skulu nýta inngongdina við vindfangið á vestara bygningi oman móti skúlagarðinum.
Næmingar í 6., 7. og 8. flokki skulu nýta høvuðsinngongdina í skúlagarðinum.
Næmingar í 9. flokki møta sum vanligt í barakkini í skúlagarðinum.
Foreldur verða biðin um at lata børnini ganga sjálvi inn í skúlan ella avlevera tey við dyrnar. Næmingarnir fara beinleiðis inn í flokshølið, tá teir møta um morgunin.

Undirvísingin verður í allarstørstan mun skipað sum vanligt. Tó kemur undirvísingin í størri mun at vera skipað í flokshølinum ella uttandura. Vit royna at fyribyrgja, at næmingar samlast á felagsøkjunum í skúlanum.
Næmingarnir verða eggjaðir til bert at vera saman við floksfeløgunum.

Tað er umráðandi, at næmingarnir hava egið pennahús við øllum amboðum - blýantar, litblýantar, blýantspískara, viskileður, linjál, saks, límstift v.m. - alt tað, ið teir hava brúk fyri í undirvísingini.

Vit halda sjálvandi fram við at gera okkum stóran ómak við at hava gott reinføri og royna so vítt møguligt at hava tilmæltu frástøðuna.

Næmingur, ið hevur sjúkueyðkenni - eisini mild sjúkueyðkenni - verður biðin um at vera heima og lata seg kanna. Verður næmingur smittaður við Covid 19 ella fer í sóttarhald, boða foreldrini flokslæraranum frá hesum.

Annars fylgja vit almennu tilmælunum frá myndugleikunum, ið eru lýst á heimasíðuni korona.fo. Víst verður til "Nýggju leiðreglurnar um sóttarhald".
Leinki er: https://korona.fo/sottarhald?_l=fo

Eisini fylgja vit almennu tilmælunum frá myndugleikunum um heimauppihald í 2 dagar eftir komu til Føroyar.
Hetta merkir, at næmingar kunnu koma aftur í skúla, tá teir hava fingið eitt negativt svar frá koronakanning á 2. degi eftir heimkomu.

Hava tit spurningar hesum viðvíkjandi, eru tit altíð vælkomin at seta tykkum í samband við Hans Jón Thomsen, stjóra, á tlf. 783300.

19.01.2022
Kunning til foreldur: Skúlagongdin nógv ávirkað av korona
05.01.2022
Innskriving í 1. flokk skúlaárið 2022/2023
04.01.2022
Skúlagongdin og korona-tilmæli við ársbyrjan
21.12.2021
GLEÐILIG JÓL OG GOTT NÝGGJÁR
10.12.2021
Næmingarnir fara í jólafrí 15. desember 2021
09.12.2021
Skuggin hjá H.C. Andersen á vitjan í Hoyvíkar skúla