Mikukvøldið 26. oktober hevði skúlastýrið sín árliga foreldrafund.

Kvøldið byrjaði við, at Rannvá Mortansdóttir, forkvinna í skúlastýrinum, legði ársfrágreiðing fram. Av tí, at fundurin í fjør varð avlýstur vegna korona, so legði hon eisini ársfrágreiðingina frá síðsta skúlastýrisári fram.

Nógv tiltøk vóru á skrá mikukvøldið. M.a spældi H71 menninir í Vestmanna, Hoyvíkar kirkja hevði skrúvuguðstænastu og miðvikufyrilestur við Hera Joensen, og Champions League fótbóltur var í sjónvarpinum. So vit vóru eitt sindur ivasom, hvussu uppmøtingin fór at verða.

Vit settu tó meginprtin av okkara stólum fram kortini, og tað var gott, tí væl varð møtt upp. Eini 80 – 90 foreldur møttu til tiltakið.

Erling Fles, sálarfrøðingur, helt eina avbera góða og læruríka framløgu um “Ung og rúsevni”.

Vit í Hoyvíkar skúla vóru sera væl nøgd við tiltakið og uppmøtingina.