Hósdagin, 24. august og fríggjadagin, 25. august vóru okkara 6. flokkar, eins og undanfarin ár, á floti við Westward Ho. 

Tað er vorðin fastur táttur, at 6. flokkarnir í kommununi sleppa ein fiskitúr við sluppuni Westward Ho, og eins og undanfarin ár er tilboðið skipað sum ein fiskikapping, sum samstundis gevur lærarum tilfar til lærugreinirnar Heimkunnleiki og Náttúra & tøkni.

Onkur føldi eitt sindur til sjóverk, men vit skilja á lagnum, at tað tíbetur gekk skjótt yvir. 

Fiskiskapurin var so sum so, men vit eru kandidatar til at hava fangað størsta fisk, sum var heili 80 cm. langur og vigaði 5,3 kg.