Boðklivi
Boðklivi 2.a
Talgildur harðskapur – hvat gera vit?
Kom til spennandi temakvøld í Hoyvíkar Skúla týskvøldið 23. Apríl kl 19.00 í Pyramiduhøllini, har evnið Talgildur harðskapur verður sett á breddan. Skúlastýrið skipar fyri í samstarv við SSP-Ráðgevingina.
Tit hava helst sæð ella hoyrt um sendingina “Alene hjemme på nettet” á DR ella hoyrt umrøðuna av hesari í føroysku miðlunum. Okkara børn og ungu ferðast á netinum, har tey kunnu verða útsett fyri harðligum myndum og talu, hóttanum, lokking og grovari happing, alt ímeðan vit foreldur standa maktarleys yvirfyri avbjóðingini - ofta óvitandi um, hvat gongur fyri seg. Tí hvussu støðga vit hesum? Hvussu fáa vit okkara børn í talu um hetta?
Hetta hevur SSP-ráðgevingin nøkur boð upp á, og tí fara vit at hoyra frá Daisy Iversen um, hvat talgildur harðskapur er, og hvat vit kunnu gera við hann, og Mariann Reinert, sum er SSP-umboð frá politinum fer at greiða frá, hvussu vit ferðast tryggari á netinum.
Møguleiki verður fyri at seta spurningar og kjakast um evnið, og ein drekkamunnur verður at fáa. Eisini verður ársfrágreiðingin hjá Skúlastýrinum lisin upp. Tiltakið er knýtt at árliga foreldrafundinum hjá Skúlastýrinum.
Møtið fjølment!
Skúlastýrið í Hoyvíkar skúla
Týsdagur 2. apríl 2024
Kunning
Vit eru byrjaði aftur í øllum góðum eftir páskir :-)
Vit hava fingið ein nýggjan næming í flokkin, hon eitur Mia. Vit ynskja Miu vælkomnari.
Nomi hevur flutt skúla. Vit ynskja henni alt tað besta og takka fyri tíðina í flokkinum.
Týsdagur 5. mars 2024
Foreldra- og næmingaviðtalur
Næmingarnir hava fingið bræv í postmappuna, við tíðum til viðtalurnar og samrøðublaði, við heim í dag. Vinarliga fyllið samrøðublaðið út saman við barni tykkara og gevið okkum tað aftur áðrenn viðtaluna.
Kunning
Karin hevur verið burturstødd í tvær vikur, hon kemur aftur 6.februar.
Týsdagur 23.01.2024
Sálmurin at venja heima: Boðar tú til allar tjóðir
588
Boðar tú til allar tjóðir:
"Æra skalt tú faðir tín,
æra skalt tú tína móður,
so tær fylgir signing mín.
Landið gevi eg tær tá,
leingi tú har liva má,
fólkið títt tá skal eg kenna
meðan øld um øldir renna."
2. Føroya mál á manna tungu
merkir: Her býr Føroya fólk.
Slektir fornu og tær ungu
eyðkendu seg sum ein bólk,
ið helt fast við fedramál,
virdu tað av hug og sál,
gloymdu ikki ættarbandið;
byggja tí enn hetta landið.
3. Um nú nýggjar øldir líða,
halt á somu leið várt starv,
at vit ikki lata svíða
dugnaloysi til hin arv,
sum vit ervdu fedrum av;
tá skal lyftið, sum tú gav,
allan aldur Føroyum tryggja
føroyingunum her at byggja.
Jóannes Patursson.
Lag: Sl. 22 a og b ella sum Sl. 183.
8. januar 2024
Kunning
Í tíðarskeiðnum frá mikudegnum 10. januar til og við týsdagin 16. januar eru Bjørg og Sóleyð burturstaddar. Vikararnir eru Guðrun Heðinsdóttir og Helena Vang. Øll boð kunnu kortini sendast sum vanligt.
Mánadagur 16. oktobur 2023
Kunning
Næmingarnir hava fingið bræv við viðtalutíðunum í postmappuna.
Heilsusysturin hevur útsett tíðina í flokkinum til mánadagin 23. oktobur 2023
Hósdagur 21. septembur 2023
Foreldraviðtalur
Foreldraviðtalur verða mánadagin 23. oktobur, hósdagin 26. oktobur og mánadagin 30. oktobur. Nærri kunning kemur áðrenn heystfrítíðina.
Flokskontoin
Enn eru nøkur, ið ikki hava goldið 200 kr. á flokskontoina. Konto nr. er 9181 - 534 666 7
Hósdagur 31. august 2023
Kunning
Takk fyri felags foreldrafundin í gjár. Fyrilesturin var góður og vit síggja fram til arbeiðið við átakinum "Betri vinir" og framhaldandi at arbeiða við trivnaðinum í flokkinum. Á fundinum varð gjørt av, at byrja spælibólkar. Vit hava býtt næmingarnar í 8 ymiskar bólkar og eitt kunningarskriv verður í "postmappuni" mánadagin.
Semja er eisini um at gjalda 200 kr á flokskontuna - 9181 534 666 7
Foreldra- og trivnaðarumboðini eru:
Bogi - pápi Rúnar
Herborg - mamma Emil
Jógvan - pápi Jónas K.
Guðrun - mamma Róa
Minnist til at kanna eftir í penalarhúsinum, um øll amboðini eru í - t.v.s. spískaður blýantur, viskileður og linial.
16. august 2023
Kunning
Stuttligt at síggja øll aftur :-)
Elias gongur ikki í flokkinum longur, men vit hava fingið tríggjar nýggjar næmingar - tveir dreingir, sum eita Høgni og Illia og eina gentu, sum eitur Aleksandra. Hilaria er komin aftur í flokkin.
Vit ynskja teimum øllum hjartaliga vælkomnum.
Allir næmingar fáa eina nýggja "postmappu" í morgin. "Postmappan" skal altíð liggja í skúlataskuni. Næmingarnir fáa tímatalvuna í "postmappuna" heim við í morgin.