Fríggjadagur 12.apríl

Vit ynskja tykkum øllum einar gleðilgar páskir og eina góða páskafrítíð!

Fríggjadagur 22. mars

Komandi vika er evnisvika í Hoyvíkar skúla. Evnið er " Tey 17 heimsmálini fyri burðardyggari menning"

Vit í 2. flokki fara at arbeiða við teimum 17 heimsmálunum. Endamálið hesa vikuna er at geva næmingunum vitan og gera teir tilvitaðar um, at øll fólk - øll børn... eisini føroysk børn kunnu verða við til at rætta skeivleikar og betra um heimin.

Hósdagur 14. mars 2019

Viðtalurnar sum vórðu avlýstar hósdagin 21. februar verða nú mánadagin 18. mars - somu tíð og sama stað. Vónandi ber til hjá tykkum at møta. Um ikki, vinarliga sigið okkum frá!

Rokning

Fríggjadagur 11. mars 2019

Komandi vikurnar fara næmingarnir at fáa eitt avritshefti heim við hvønn týsdag. Hetta skal latast inn týsdagin eftir til lærararnar.

Mikudagur 20. februar 

Barnaormur

Vit vilja hervið boða tykkum frá, at vit hava fingið fráboðan um tilburð av barnaormi.

Sambært heilsusystrini smittar barnaormur illa og tí skulu tit foreldur vera uppmerksom.

Fyri at fyribyrgja smittu skulu børnini hava tætt kliptar negl og gott handreinføri

 

Mikudagur 20. februar

Kunning

Árligi foreldrafundurin í skúlastýrinum fyri øllum foreldrum í Hoyvíkar skúla verður hósdagin 28. februar 2019 kl. 19:00 til 20:30 í Pyramiduhøllini.

Jógvan Fríðriksson bispur, heldur fyrilestur og hugleiðir um evnið "Nærvera og at vera til staðar í løtuni"

Eisini leggur forkvinnan í skúlastýrinum ársfrágreiðingarnar fyri 2017 og 2018 fram.

Øll foreldur eru hjartaliga vælkomin.

 

 

Kunning

Seinastu tvær vikurnar hava vit m.a. tikið lesiroyndir av hvørjum einstøkum næmingi. Vit hava eisini havt næmingasamrøður við hvønn einstakan og hetta halda vit fram við í komandi viku. Hesa vikuna hava vit sjálvandi eisini verið úti og notið praktfulla kavaveðrið :) 

Næmingarnir hava í dag fingið samrøðublað og tíð til viðtalu (sí postmappuna). Samrøðublaðið skal latast okkum aftur í seinasta lagi tveir dagar áðrenn viðtalu. Viðtalurnar verða 13., 15. og 21. februar.

Vit vilja heita á tykkum foreldur, um at tryggja tykkum, at næmingarnir hava neyðugu amboðini í penalarhúsinum, so sum væl spískaðar blýantar, viskileður og linial.  

Rokning: Í viku 5 verða vit liðug við roknibókina 2A og byrja síðuna at rokna 2B. Í hesum sambandi fara vit at heita á tykkum foreldur, um at hyggja eftir um barnið hevur roknað allar síðurnar til s. 53 í "heimaarbeiðsbókini". 

 

 

Morgunsangur

Til morgunsangin fríggjadagin er tað 2. flokkur sum stendur fyri. Vit syngja sálmin "Góða mamma eg vil sova" og tí hava næmingarnir fingið sálmin heim við - tit eru vælkomin at venja heima.

 

 

 

 

Lesiløta

Í farnu viku og í komandi viku er lesiløta í skúlanum. Vit lesa saman í uml. 30 min. hvønn morgun. Í 2. flokki lesa vit bøkurnar hjá Bárði Oskarson og fara komandi viku eisini at lesa nøkur ævintýr.

 

Kunning: Brandalarmur

Uml. klokkan 13 í dag ýldi brandalarmurin í skúlanum. Tíbetur var eingin eldur, men roykur og tilbúgvingin virkaði til fulnar. Tó skal sigast, at nakrir næmingar blivu kløkkir av støðuni. 

 

Barnaormur

Vit vilja kunna tykkum um, at vit hava fingið fráboðan um tilburð av barnaormi.

Sambært heilsusystrini smittar barnaormur illa og tí skulu tit foreldur vera uppmerksom.

Fyri at fyribyrgja smittu skulu børnini hava tætt kliptar negl og gott handreinføri.

 

Lús lús lús!!!

Næmingarnir hava í dag fingið lúsabræv við heim. Tað er sera umráðandi, at øll fylgja boðunum um at kemba - og um neyðugt viðgera. Nú heystfrítíðin er, og steðgur er í skúlagongdini, er góður møguleiki fyri, at øll í  2. flokki eru "lúsafrí", tá ið tey koma aftur í skúla.

 

Vit ynskja tykkum øllum eina góða heystfrítíð.

 

Toymið í 2. flokki hevur tikið ta avgerð, at ongar leikur skulu við í skúla frá nú mánadegnum 1.okt. Her er talan um Pokemon kort, dukkur, bamsur o.a. Tað, at hava leikur við í skúla, hevur vundið so nógv uppá seg og er blivið órógvandi fyri næmingarnar. Hinvegin hava vit nógv góð og mennandi spøl til næmingarnar, ið teir altíð kunnu brúka.

 

Næmingarnir hava fingið bræv við heim í postmappuni, har tíðirnar til viðtalurnar eru á.

 

Næmingarnir hava í dag fingið dagførdan næmingalista, lista yvir kontaktpersónar og skriv frá heilsusystrini, sum tit verða biðin um at fylla út og lata inn til okkara í seinasta lagi mánadagin 24. sep. 

 

 Vinarliga flytið 200 kr. á flokskonto´ina: 9181 - 498.925.4. Hetta er fyri skúlaárið 2018/2019

 

 

 

 

 

 

 

Gott nýggjár!

Vælkomin aftur í skúla, gott at síggja tykkum øll aftur. Hesir báðir dagarnir hava gingið væl, øll eru glað at síggjast aftur.

Regin Christoffer, sum gongur í serskúlatilboðnum, er í ár knýttur at 1. flokki og ikki longur at 2. flokki.

Vit hava fingið ein nýggjan næming í flokkin. Hann eitur Edvard Falkenberg og vit bjóða honum vælkomnan í flokkin.

Felags foreldrafundur verður antin í viku 35 ella 36, tit frætta nærri seinni.

Føðingardagsbólkarnir eru teir somu sum í fjør, men í ár hoyra bólkur 1 & 3 saman og 2 & 4 saman. Bræv hesum  viðvíkjandi liggur í postmappuni mánadagin 20. august.

Vinarliga hjálpið børnunum at tøma/rudda taskuna við tilfari frá í fjør. Í taskuni skal bert vera: postmappan og penalarhús við hóskandi amboðum.

 

 

 

Konsert í Norðurlandahúsinum.

Tvær konsertir verða í Norðurlandahúsinum mikukvøldið 13. juni 2018. Onnur konsertin er kl. 17:00 og hin kl. 18:00. Konsertirnar eru fyri foreldrum at næmingum í fyrstu flokkunum í Tórshavnar kommunu. Næmingarnir møta í NLH kl. 16:45 og skulu heintast aftaná seinnu konsertina, uml. kl. 19:00.

Flokslærarnir eru um næmingarnar frá kl. 16:45 til kl.19:00.

Atgongumerkir á 20 kr. kunnu keypast á nlh.fo

 

Summarhugni :-)

Vit næmingar og lærarar fara at hugna okkum mánakvøldið 11. juni frá kl.18:00 til 20:00. Vit fara at grilla pylsur, eta ís og spæla ymisk spøl. Hugnaløtan verður fíggjað av flokskontuni.