Onkur hevur kanska møtt hesum báðum verndareinglunum í morgun. Nú dagarnir styttast, og myrkt er úti, er umráðandi at síggjast í ferðsluni.

Tí eru foreldraumboðini í skúlastýrinum farin at býta endurskin út til næmingar og starvsfólk á skúlanum. Eydnaðist tær ikki at fáa endurskin í morgun, standa tey aftur uttanfyri Hoyvíkar skúla í morgin (vestanfyri), fríggjadagin, millum kl 7.30 og 8.00.

Átakið er eitt samstarv millum skúlastýrið, Ráðið fyri ferðslutrygd og tryggingarfeløgini Trygd og Betri.