Kæru foreldur

Nú vit eru komin til endan á mínari tíð sum lærari hjá tykkara børnum, vil eg senda tykkum eina lítla heilsan.

Eg havi havt gleði av at fylgja hesum fantastisku børnum hesi fyrstu skúlaárini, og eri sera takksom fyri at hava verið so heppin. Tað hevur verið ein spennandi og gevandi tíð, har eg havi sæð tey mennast bæði fakliga og sosialt. Tað er nakað heilt serligt at fáa loyvi at vera partur av teirra gerandisdegi og menning.

Flokkurin hevur havt ein góðan anda við bæði forvitni, lívligheit og umsorgan fyri hvørjum øðrum, og tað havi eg sett stóran prís upp á.

Eg havi valt at fara aftur at arbeiða í einum “bygdaskúla”. Tó er tað ikki uttan kenslur at siga farvæl við hendan flokk og tykkum foreldur.

Eg vil fegin takka fyri gott samstarv, álit og stuðul hesi árini. Tað hevur havt stóran týdning og gjørt arbeiðið bæði lættari og stuttligari.

Eg ynski tykkara børnum alt tað besta framyvir – tey eru dugnalig, forvitin og hava so ómetaliga nógv gott í sær ❤️ 

Eisini ynski eg tykkum alt tað besta.

Blíðar heilsanir
Turið