Í sambandi við Listaleypin, sum ger list atkomuliga fyri næmingar kring alt landið, fekk Hoyvíkar skúli vitjan av framsýningini SkíggjaEg - ein dansiframsýning, ið varpar ljós á stóra leiklutin, skíggjar spæla í gerandisdegnum hjá okkum, og ikki minst, hvussu teir ávirka okkara samband við hvønn annan.

Næmingarnir vóru tiknir við frá fyrstu løtu, og sluppu enntá sjálvir at dansa við - líka tilein telefon ringdi, og spilti øllum spælið.

Vit eru sera takksom fyri at fáa slíkar listarligar upplivingar inn í skúlan. Tær eru ikki bert undirhaldandi, men skapa eisini innihald í skúladegnum, og kunnu seta ferð á týdningarmiklar samrøður millum næmingar og lærarar.