Týsdagin vóru næmingarnir í SMS, har teir spurdu fólk um tey fóru á løgtingsval og hvønn tey fóru at velja. Tey spurdu 194 fólk, og av hesum søgdu 183 seg ætla á løgtingsvalið, ein valluttøka á 94,3%. Í støddfrøði hava næmingarnir arbeitt við hagfrøði og sett tølini inn í talvur.

Sambært veljarakanningini verða tað Fólkaflokkurin og Javnaðarflokkurin, sum verða størstir við 7 umboðum í part. Tjóðveldið fær 6 umboð, Sambandsflokkurin fær 4 umboð meðan Sjálvstýrið, Framsókn og Miðflokkurin fáa hvør síni 3.

Vansar við kanningini eru at eingin valmøguleiki var at siga, at man ikki veit hvønn man velur, ella at atkvøða blankt. Tað hava fólk skrivað sjálv.

Men spennandi verður at vita hvussu væl kanningin passar.